I ftohti siberian në vend, orteku në Qafën e Thorës bllokon rrugën

Reshjet e shiut që shkaktuan përmbytje në fundjavë janë pasuar nga ulje temperaturash dhe reshje dëbore, kryesisht në zonat malore të vendit.

Dita e sotme karakterizohet nga një mot i ftohtë dhe i kthjellët në gjithë territorin shqiptar, teksa vihet re një tjetër ulje temperaturash me rreth 2 gradë celsius, në orët e para të mëngjesit.

Ndërkohë, mbrëmjen e djeshme rruga në Qafë Thorë të Shkodrës u bllokua si pasojë e një orteku.

Autoriteti Rrugor Shqiptar publikoi në faqen e vet pamjet nga situata e krijuar, ku gjatë natës punohet me mjete borëpastruese për pastrimin e rrugës.