Të tjera detaje janë zbardhur nga seanca e gjatë mbi 6 orë e zhvilluar në GJKKO për rivlerësimin e masës së sigurisë ndaj kryebashkiakut të Tiranës Erion Veliaj.
Veliaj ka thënë se e vetmja gjë që ka bërë është detyra e dhënë nga populli që e ka votuar, madje sic thekson edhe ka punuar edhe të shtunë, të diele apo për ditë festash.
Ai mësohet të jetë shprehur vila në qerret për të cilën akuzohet nga SPAK nuk është në pronësi të tij por në pronësi të vjehrrës së tij.
“Nuk më është shpjeguar edhe sot pse jam i arrestuar, unë një kryetar bashkie që jam votuar nga populli i Tiranës, kam bërë detyrë time. I kam hyrë në hak familjes se kam punuar edhe të shtunë edhe të diele edhe për festa kam punuar.
Por mallkuar qoftë ai që punon në këtë vend, se bëhet objekt sulmi dhe gjendet në këtë situatë qe jam unë sot. Vila në Qerret nuk është e jona, është e natyrshme që aty do gjenden lodrat e fëmijës tim dhe se bashkëshortja ime është fëmijë i vetëm dhe vjehrra ime dhe nuk e di pse duket kaq e panatyrshme që të jenë lodrat e fëmijës tek shtëpia e gjyshes”, mësohet të jetë shprehur Veliaj në sallën e gjyqit
“Të gjitha veshjet kishin kod unik dhe ishin veshje personale, buzëkuq dhe bizhuteri”, është shprehur prokurori.
LEXONI GJITHASHTU:
- Në pritje të vendimit nga GJKKO për Veliajn, avokatët ofrojnë garanci pasurore
- Sa vite burg rrezikon kryebashkiaku Erion Veliaj, flet ish-prokurori
