E mbijetuara e luftës në Kosovë dhe nënkryetarja e Kuvendit, Saranda Bogujevci ka zgjedhur një ditë të veçantë për të bërë me dije një lajm të ëmbël.

Gjatë fjalës së saj në ceremoninë që Kuvendi i Kosovës zhvillon këtë të premte në kuadër të 15-vjetorit të pavarësisë, Bogujevci bëri me dije se është në pritje të një fëmije.

“Me sytë nga e ardhmja në themele janë dëshmorët tanë, me mendjen nga zhvillimi e mbrojtja e vendit, me zemër te rinia dhe fëmijët betohem këtu së bashku me ju për punë dhe përkushtim për Atdheun tonë, për Republikën e Kosovës.

Qoftë çdo çast i punës tonë trashëgimi i drejtë dhe e duhur për ata që do vijnë pas nesh. Të punojmë bashkë për të rritur veten dhe vendin ashtu siç i patën aspiratat populli ynë dhe siç duam ta kemi vendin për fëmijët e Kosovës tonë. Këtë e kuptoj tani shumë më mirë, kur pres të bëhem edhe nënë,” – tha Bogujevci.

LEXONI GJITHASHTU:

• Berisha: Kosova është vendi ku shqiptarët jetojnë më mirë dhe më lirë
• VIDEO| Kosova feston 15-vjetorin e Pavarësisë! Në kuvend gjëmon “Baresha”