I penduar për kalimin tek Milani portieri Jens Lehmann: Kisha ofertë nga Real Madrid

Qëndroi vetëm për 1 sezon tek skuadra e Milanit dhe u aktivizua në 5 ndeshje, Jens Lehman e konsideron kalimin tek italianët si gabimin më të madh në karrierë.

Kur ka kaluar më tepër se 1 dekadë nga ndeshja e fundit e gardianit gjerman, ai ka folur rreth viteve të arta. Në moshën 29-vjeçare kishte oferta nga dy gjigantët e Milanit dhe Realit të Madridit, kun ë përfundim vendosi t’i bashkohej djajve.

Refuzimi i madrilenëve mbetet ende një peng për 53-vjeçarin që aktualisht është pjesë e bordit drejtues të Hertha Berlin.

“Pranimi i transferimit te Milani ishte një gabim i madh. Mbaj mend që atë verë më thirri një drejtues i Realit të Madridit për të mësuar nëse isha i gatshëm të luaja në ‘Santiago Bernabeu’, unë preferova Milanin,  Serie A konsiderohej si kampionati më tërheqës dhe ishte më konkurrues se La Liga”.

Lehman gjithashtu është aktivizuar me kombëtaren e Gjermanisë në 61 përballje. Në sezonin 2003-2004 fitoi Premier Leaguen angleze me Arsenalin, në atë që konsiderohet si ‘Trofeu i Artë’, pa asnjë humbje.