I zhdukur prej disa ditësh, 36-vjeçari në Florida gjendet i bllokuar në një gropë me baltë! Shpëton mrekullisht

Një burrë nga Florida i cili ishte zhdukur që nga Dita e Shën Valentinit, u gjet më shumë se një javë më vonë i bllokuar në baltë deri në supe. 36-vjeçari, Andrew Giddens kaloi disa ditë pa ushqim dhe ujë deri kur autoritetet e gjetën dhe e shpëtuan.

Zëvendës sherifi, Derrick Holmes i vuri re makinën e braktisur të Giddens më 23 shkurt afër një fabrike rëre, Holmes kontaktoi zyrtarët e fabrikës duke u kërkuar atyre të kontrollonin pronën e tyre dhe të shihnin nëse kishte ndonjë shenjë të Giddens.

Ai u gjet më 25 shkurt në baltë deri në shpatulla në një gropë. Giddens ishte vigjilent dhe mund të fliste, por punëtori që e kishte gjetur nuk mundi ta arrinte sepse ishte i rrethuar nga baltë.

Pasi u thirrën në vendngjarje, ekipet e specializuara me departamentet lokale të zjarrfikësve bashkëpunuan për të nxjerrë Giddens.

Operacioni i ndërlikuar zgjati rreth tre orë, me ekipet e shpëtimit që duhej të ishin të kujdesshëm që të mos ngecnin vetë në baltë. Agjencia tha se Giddens kishte duruar temperatura shumë të ulëta në ditët e mëparshme, përveç mungesës së ushqimit ose ujit.

Një ambulancë ajrore më vonë e çoi Giddens në një spital në gjendje kritike. Tezja e Giddens, Jeannie Smith Carson tha se nip ii tij nuk do të kishte fatin e njëjtë nëse do të kishte qëndruar më gjatë në baltë.

“Falë Zotit që u gjet. Edhe një ditë, dhe nuk do të kishim qenë kaq me fat”, tha ajo.