Ibrahimovic drejt largimit,pas përplasjeve me Ivan Gazidis suedezi kërkon të ndryshojë skuadër

Rrugët e Zllatan Ibrahimovic dhe Milanit me sa duket po shkojnë drejt ndarjes.

 Kontrata që suedezi ka firmosur në muajin dhjetor nga e cila do përfitojë 4 milionë euro po shkon drejt fundit dhe gjasat për ta rinovuar duhen të pakta.

Mediat italiane shkruajnë se për të qëndruar edhe për sezonin e ardhshëm, Ibra kërkon të paktën dyfishin e kësaj shume që për momentin duket e papërballueshme për kuqezinjtë.

Por është vetëm çështje parash pasi sulmuesi ka pasur përplasje edhe me administratorin e deleguar të klubit Ivan Gazidis.

FIFA ka dhënë dritën jeshile që lojtarëve që u përfundon kontrata në qershor të mund të qëndrojnë deri në fundin sezonit për shkak të situatës së jashtëzakonshme, por nuk dihet nëse Ibra do pranojë diçka të tillë.

Me sa duket suedezi nuk e duron këtë situatë dhe ka vendosur që të largohet. Mediat italiane shkruajnë se suedezi mund të bashkohet me monzan e Berlusconit ose do të rikthehet të luajë në Suedi.