Sulmuesi veteran i Milanit, Zlatan Ibrahimoviç, do të rikthehet në ekipin kombëtar të Suedisë për kualifikueset që do të mbahen për Euro 2024.

Nëse Ibrahimoviç do të kthehej në fushë me kombëtaren, do mund të thyente rekordin e moshës së portierit italian Dino Zoff. Rekordi historik i moshës së Zoff në kualifikueset e kampionatit evropian, është 40 vjeç e 90 ditë.

Ibrahimovic, 41 vjeç, u paraqit për herë të fundit për kombëtaren e vendit të tij 12 muaj më pare.

Ai ka luajtur vetëm tre ndeshje për Milanin këtë sezon pas rikuperimit nga një problem në gju.

Ka qenë vetë trajneri i Suedisë që ka konfirmuar vendimin e tij për të grumbulluar sërish në kombëtare sulmuesin e Milanit.

“Zlatan ka bërë tre zëvendësime pak më të gjata tani në Milano dhe ndihet në formë të mirë edhe pse ka qenë jashtë fushave për një kohë të gjatë”, tha trajneri Janne Andersson në një deklaratë.