IDF: Irani ka lëshuar rreth 100 dronë drejt Izraelit

Pas sulmit të Izraelit ndaj Iranit në orët e para të së premtes drejt centraleve bërthamore dhe ushtarake të Iranit, zëdhënësi i Forcave të Mbrojtjes së Izraelit (IDF), Gjeneral Brigade Effie Defrin, tha se Irani nisi “rreth 100 UAV drejt territorit izraelit”.

Defrin shton se shefi i shtabit të ushtrisë iraniane, komandanti i Korpusit të Gardës së Revolucionit Islamik (IRGC) të Iranit dhe komandanti i komandës së emergjencës së Iranit u vranë në sulmet e natës së kaluar.

Mediat shtetërore iraniane raportuan gjithashtu më parë se Hossein Salami, shefi i Gardës Revolucionare, është vrarë.

Kujtojmë se në Izrael është shpallur gjendje e jashtëzakonshme.

LEXONI GJITHASHTU:

• Izraeli sulmon Iranin, shpall gjendjen e jashtëzakonshme
• Shefi i shtabit të ushtrisë iraniane vritet në sulmin izraelit