Qindra protestues dolën në rrugët e Vermontit të shtunën, në një tubim kundër zëvendëspresidentit amerikan JD Vance. Protestuesit u mblodhën pranë një resorti skish ku Vance kishte planifikuar të kalonte fundjavën me familjen e tij.
Shumë nga demonstruesit mbanin pankarta në mbështetje të Ukrainës, ndërsa disa të tjerë valëvitnin flamuj palestinezë. Nuk mungonin as pankartat në mbrojtje të të drejtave të emigrantëve. Protestat u zhvilluan në disa zona, përfshirë të dy anët e Route 100 në Waitsfield.
“Trump i shërben Putinit”, “Mbështesni Ukrainën” ishin disa nga pankartat më të spikatura në tubim.
Megjithëse protestat ishin planifikuar disa ditë më parë, ato u fuqizuan nga përplasja mes Vance, presidentit Donald Trump dhe presidentit ukrainas Volodymyr Zelenskyy në Zyrën Ovale. Gjatë takimit, Vance kritikoi ashpër Zelenskyyn për kundërshtimin e deklaratave të Trump se presidenti rus Vladimir Putin është i besueshëm.
“Ski në Rusi, sepse JD Vance nuk ka miq në Vermont, por ka shumë miq në Rusi, ndaj duhet të shkojë atje për pushime,” deklaronin protestuesit.
Sipas raportimeve, Vance dhe familja e tij u detyruan t’i anulonin pushimet për shkak të protestave.
View this post on Instagram
LEXONI GJITHASHTU:
- Trump-amerikanëve: Mendoni për vete, jo për Putinin, se pastaj përfundojmë si Evropa
- Trump kritikon Zelenskyn pas përplasjes: “I forti i madh”, do të vazhdojë të luftën
- Prapaskenat: Trump i kërkoi Zelenskyt të vishej me kostum, u irritua kur e pa
