‘Iku për të ndjekur ëndrrën e tij’, thotë miku i aktorit që humbi jetën në SHBA

Aktivisti i “Nismës Thurje”, Marsel Rupi tha se aktori shqiptar i cili i dha fund jetës, Florind Belliu shkoi në Shtetet e Bashkuara për të ndjekur ëndrrën e tij, aktrimin.

Në një intervistë për “Euronews Albania”, Rupi u shreh se me Belliun kanë qenë studentë në Akademinë e Arteve, teksa shtoi se 35-vjeçari e ushtroi herë pas here profesionin në SHBA.

“Fakti është që, vërtet në këtë vend njerëzit ikin shumë për pjesën ekonomike, por ai nuk iku vetëm për këtë. Ai iku për të ndjekur endrrën, iku për t’u bërë aktor, nuk e la profesionin.

Herë pas here e ka ushtruar profesionin, por atje është një treg shumë më i egër sesa këtu, ka tentuar, nuk e ka lënë asnjëherë. Nuk e la asnjë moment pjesën e aktrimit, duke u interesuar here pas here për vepra shqiptare, i përkthente vetë në anglisht”, theksoi ai.

Aktori shqiptar, Florind Belliu dhe bashkëshortja e tij kanë humbur jetën pasi u hodhën nga kati i i gjashtë i pallatit ku jetonin në Nju Jork të Shteteve të Bashkuara.

Dyshohet se Florindi fillimisht ka shtyrë nga ballkoni bashkëshorten Ornela dhe më pas është hedhur edhe vetë nga kati i 6-të i pallatit.

Çifti kishte dy fëmijë, 6 dhe 2 vjeç dhe ishin vendosur në lagjen “The Bronx” të Nju Jorkut vetëm 3 muaj më parë.

Policia po heton të gjitha pistat e mundshme, ku nuk përjashtohet ajo e vrasjes së dyfishtë.

LEXONI GJITHASHTU

• ‘E përjetoi shumë keq humbjen e babait’, flet kolegu i aktorit që u vetëvra në SHBA
• Vdes aktori shqiptar me bashkëshorten në Nju Jork, u hodhën nga ndërtesa