ILD për Dan Hutrën: Po verifikojmë nëse ka përgjegjësi disiplinore nga magjistratët

Inspektori i Lartë i Drejtësisë ka reaguar pas 3 vrasjeve që tronditën kryeqytetin këtë të mërkurë, me autor Ramazan (Dan) Hutrën.

Përmes një njoftimi, ILD-ja shprehet se ka urdhëruar nisjen e verifikimit të rastit për të identifikuar, nëse ka, përgjegjësi disiplinore nga ana e magjistratëve.

“Inspektori i lartë i Drejtësisë po ndjek me vëmendje komunikimet në media mbi ngjarjen tejet të rëndë të ndodhur sot në Tiranë, ku tre grave iu mor jeta dhe tre të tjera u plagosën, nga një individ i dënuar më parë për vrasje.

Sic ka vepruar edhe në raste të tjera të ngjashme me ndjeshmëri të lartë publike, Inspektori i Lartë i Drejtësisë bën të ditur, se ka urdhëruar nisjen e verifikimit të rastit për të identifikuar, nëse ka, përgjegjësi disiplinore nga ana e magjistratëve”, thuhet në njoftimin e ILD-së.

Policia e Shtetit ka dalë në një konferencë për mediat, në lidhje me vrasjet e tre grave në Tiranë, me autor 41-vjeçarin Hutra.

Drejtori i Policisë së Tiranës, Tonin Vocaj shpjegoi dinamikën e ngjarjeve të rënda, ku Hutra ka shkuar fillimisht në Astir dhe dhe ka plagosur me thikë shtetasen M. G., 40 vjece.

Më pas, Hutra shkoi me një makinë që e kishte marrë me qera, në Kodër-Kamzë, te banesa e ish-bashkëjetueses së tij.

Ai plagosi me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj) dhe ka vrarë me armë zjarri shtetaset Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).

Pas kësaj ngjarjeje, autori ka lëvizur në drejtim të rrugës “Abdyl Elmazi”, në rrugën e Arbrit, ka vijuar në rrugën “Besëlidhja”, Bathore dhe rreth orës 12:48 minuta ka ndaluar te banesa e familjes Kurti, ku ka vrarë me armë zjarri shtetasen Etleva Kurti, 31 vjeçe.

LEXONI GJITHASHTU

• “Kërkonte t’i hiqte çorapet dhe t’i çonte kafenë”- Denoncimi i ish-gruas për Hutrën
• Dinamika/ Si i kreu Dan Hutra 3 vrasjet që tronditën kryeqytetin
• Arrestohet autori i masakrës së 3-fishtë në Tiranë, Dan Hutra