Imunë përballë asaj që na bën njerëz? Tobias Xhaxhiu promovon romanin e tij

A mund të mbetemi imunë përballë asaj që na bën vërtetë njerëz?

Kjo është pyetja që ngre shkrimtari Tobias Xhaxhiu në romanin e tij më të ri “Imun” një rrëfim i ndërtuar me guxim dhe finesë, ku tre realitete që duken të largëta ndërthuren në një mozaik të vetëm: kërkimi për shpëtim, vetmia dhe iluzioni i kontrollit.

“Virusi është thjesht një katalizator në roman, është mjeti që unë përdor për të ndërtuar ngjarjen dhe është pikënisje për të ndërtuar këtë kurthin që I mbledh personazhet së bashku. Romani është I ndërtuar dhe rrëfyer nga dy zëra Davidi dhe Gretën”.

Në roman ai vë theksin tek impakti që ka media në shoqërinë shqiptare, ku e përshkruan përmes një reality show.

“Është dhe një intermedio në mes të veprës flet për personazhin e Klajdit që vendos të bëhet pjesë e një reality shoë dhe ne rrëfejmë dhe rolin që ka media sot dhe se si ndonjëherë komercializmi ndikon dhe transformon jetët njerëzore”, tregon shkrimtari.

Imun vjen dhe si një lloj i një njeriu bashkëkohor, një njeri që është I pandashëm përballë sfidave, i pathyeshëm nga dhimbjet dhe në thelb tepër egoist.

Autori mes të tjerash tha se “Imun” mund të vijë së shpejti dhe në film.

LEXONI GJITHASHTU:

• Harris për Biden në librin e saj të ri: Vëllai i tij nuk më mbështeti gjatë fushatës
• Rrëfimi për betejën me kancerin, Mira Kazhani promovon librin “Një ditë tjetër”