Inceneratorët, Këlliçi: Rama nuk lë në paqe as të vdekurit

Partia Demokratike ka vijuar akuzat ndajh qeverisë në lidhje me aferën e inceneratorëve.

Deputeti demokrat, Belind Këlliçi denoncoi nga selia blu, rastin e një shtetaseje e cila edhe pse nuk jeton më, në emër të saj figuronin 5.5 milionë euro.

Sipas Këlliçit, qeveria e kryeministrit Edi Rama nuk i lë në paqe as të vdekurit.

“Qeveria e Edi Ramës, e kthyer në “qeveri të vdekjes”, punon për të kundërtën. Pasi rriti borxhin publik, duke zhytur në kamata të gjallët, nuk lë në paqe as të vdekurit. Kështu, edhe me Gjyste Sermin e ndjerë, të vdekur para dy vitesh, në emrin e së cilës figurojnë disa borxhe dhe padi në gjykatë.

E gjitha kjo si pasojë e makinacioneve të njerëzve të lidhur me aferën e inceneratorëve, në përpjekje për të fshehur dhe pastruar miliona eurot e skandalit të shekullit. Firma e Gjyste Sermit është falsifikuar dhe përdorur në veprime antiligjore, dy herë kur ishte në prag të vdekjes, dhe tri herë pas vdekjes, Në emrin e saj, post mortem, qarkulluan 5.5 milionë euro. Në QKB janë bërë disa veprime nën firmën e saj, edhe pse statusi në gjendjen civile e shënonte si ‘e vdekur’, theksoi ai.

Këtë martë, Prokuroria e Posaçme (SPAK) urdhëroi pezullimin e kompanive të përfshira në aferën e inceneratorit të Tiranës, pas denoncimit të Lëvizjes Socialiste për Integrim.

LEXONI GJITHASHTU

• LSI e denoncoi për inceneratorët, e moshuara në SPAK: Kam shitur kanaçe
• Pezullohen kompanitë e denoncuara nga LSI për aferën e inceneratorëve
• Denoncimet e Kryemadhit për inceneratorët, Ibrahimaj: Asnjë nuk është e re