Incident në një tempull në Indi, humbin jetën 9 persona, plagosen 19 të tjerë

Një rrëmujë në një tempull të njohur hindu në Indinë jugore ka lënë të paktën nëntë të vdekur dhe dhjetëra të plagosur. Incidenti ndodhi të shtunën në tempullin Swamy Venkateswara në distriktin Srikakulam të shtetit Andhra Pradesh, ku qindra besimtarë ishin mbledhur për të festuar një nga ditët më të shenjta të hinduizmit, “Ekadashi”.

Në këtë ditë, besimtarët agjërojnë dhe i luten Zotit Vishnu, një nga hyjnitë kryesore të panteonit hindu. Nga të vdekurit, tetë janë gra dhe një është fëmijë. Gjithashtu bëhet me dije se 16 persona janë plagosur dhe po trajtohen në një spital lokal.

20 persona të tjerë janë në gjendje shoku dhe po monitorohen. Kryeministri Narendra Modi u zotua për masa të rrepta kundër atyre që janë përgjegjës për rrëmujën vdekjeprurëse dhe urdhëroi një hetim mbi incidentin.

LEXONI GJITHASHTU:

• Shërbimi Sekret i Ukrainës zbulon numrin e goditjeve në rafeniritë ruse
• Reagon Internacionalja Socialiste për ndarjen nga jeta të Fatos Nano-s