India bën historinë, sonda e saj kozmike ulet në sipërfaqen e Hënës

Anija kozmike e Indisë Chandrayaan-3 është ulur me sukses në Hënë, njoftoi Organizata Indiane e Kërkimeve Hapësinore (ISRO).

“Indi, ne kemi arritur destinacionin tonë të dëshiruar”, shkroi ISRO në Twitter.

Poli Jugor i Hënës konsiderohet një zonë me interes kyç shkencor dhe strategjik për kombet që eksplorojnë hapësirën. Ky mision mund të konfirmojë statusin e Indisë si një superfuqi globale në hapësirë, sipas CNN.

Përpjekja e mëparshme e programit hapësinor të Indisë për të dërguar një anije kozmike në Hënë dështoi në vitin 2019 dhe misioni Chandrayaan 3 vjen vetëm disa ditë pasi një anije kozmike ruse, e para në gati 50 vjet që kryente të njëjtin mision, u rrëzua në sipërfaqen hënore.

Sonda, ose tokëzuesi Vikram, që do të thotë “guxim” në sanskritisht, u nda nga moduli i shtytjes javën e kaluar dhe që atëherë ka dërguar fotografi të sipërfaqes së hënës pasi ka hyrë në orbitën hënore.

Në vitin 2014, India u bë vendi i parë aziatik që vendosi një satelit në orbitë rreth Marsit dhe do të nisë një mision të drejtuar në orbitën e Tokës në vitet e ardhshme, duke filluar me fluturimet testuese pa pilot në 2024.

Vetëm Rusia, SHBA dhe Kina kanë arritur më parë një ulje të kontrolluar në sipërfaqen e Hënës

LEXONI GJITHASHTU:

• Chandrayaan-3 përgatitet për ulje, India mund të jetë e para në polin jugor të Hënës
• India e kalon Kinën si vendi më i populluar në botë