Infantino në qendër të turneut të madh botëror! Udhëtime intensive dhe debat për ndotjen

Presidenti i Gianni Infantino ka nisur një tur të ngjeshur gjatë Kupës së Botës, duke ndjekur disa ndeshje në qytete të ndryshme të Amerikës së Veriut. Ai e filloi udhëtimin në Mexico City me ndeshjen Meksikë–Afrika e Jugut (2-0), vijoi në Guadalajara për Kore e Jugut–Republika Çeke (2-1), më pas në Los Angeles për SHBA–Paraguaj (4-1), si dhe në San Francisco dhe Vancouver për ndeshje të tjera të turneut.

Sipas raportimeve të “The Guardian”, duke cituar burime pranë FIFA, Infantino synon të ndjekë deri në dy ndeshje në ditë, kur është e mundur, pavarësisht distancave të mëdha mes stadiumeve që shtrihen në tre vende dhe katër zona kohore.

Plani ambicioz kërkon logjistikë të sofistikuar, përfshirë udhëtime ajrore të shpeshta dhe përdorimin e avionëve privatë. Kjo ka rikthyer në qendër të debatit edhe ndikimin mjedisor të turneut. Sipas kompanisë Greenly, fluturimet përbëjnë rreth 87% të emetimeve të këtij Botërori, ndërsa një raport i New Weather Institute vlerëson se kompeticioni mund të gjenerojë rreth 9 milionë ton CO₂, duke e renditur si një nga më ndotësit në histori.