Infantino pa rival në zgjedhjet për kreun e FIFA-s, italiani pritet të rikonfirmohet

Xhani Infantino do të vazhdojë të mbretërojë i qetë në fronin e presidentit të FIFA-s, pasi asnjë nuk do të kandidojë kundër tij në zgjedhjet e marsit 2023.

Pavarësisht përplasjeve të vazhdueshme që ai kishte me presidentin e UEFA-s, Aleksander Çeferin, thuajse të gjitha vendet europiane kanë mbështetur Infantinon në kandidaturën e tij.

Infantino do të paraqitet në sallë në Kigali të Ruandës në Kongresin që zhvillohet më 16 mars 2023, për të marrë me duartrokitje nga të pranishmit mandatin e radhës si president i FIFA-s.

Kjo do t’i japë mundësinë që të jetë presidenti i parë i cili do të drejtojë në një periudhë kur Kupa e Botës do të zmadhohet në një turne final me 48 ekipe, në vitin 2026 kur të organizohet në SHBA, Meksikë dhe Kanada.

LEXONI GJITHASHTU

• Botërori gjatë dimrit, shoqatat e futbollit: Mund të vendosen më shumë baste
• Zbulohet Kupa e Botës në Doha, francezët kërkojnë ruajtjen e titullit
• Botërori në Katar, Grupi C: Argjentina dhe Messi luftojnë për titull