FIFA zbuloi më në fund trofeun që do t’i jepet fituesit të Kupës së Botës që do të nisë së shpejti në Katar.

Kampionët në fuqi, francezët, mbërritën në Doha në përpjekje për t’u bërë ekipi i parë që rifiton trofeun për të dytën herë rresht, pas Brazilit në 1962-shin.

“Ne kemi statusin e kampionëve në fuqi, por ka edhe ekipe të tjera shumë të mira dhe mendoj se do të jetë një turne fantastik”, tha Hugo Lloris, kapiten i Francës.

“Kjo është një aventurë sportive për të gjithë ne, për të gjithë skuadrën. Ata kanë përgjegjësinë e madhe për të arritur rezultate pozitive, njësoj si ekipet e tjera të mëdha që marrin pjesë në këtë Kupë Bote”, u shpreh Didier Deschamps, trajner i Francës.

Ylli i Argjentinës, Lionel Messi mbërriti në Doha nga Abu Dhabi, ku Argjentina luajti dhe fitoi 5-0 ndeshjen përgatitore kundër Emirateve të Bashkuara Arabe.

Të konsideruar favoritë, bashkë me Brazilin, argjentinasit zgjatën rekordin e pathyeshmërisë në 36 ndeshje.

LEXONI GJITHASHTU

• Botërori në Katar, Grupi C: Argjentina dhe Messi luftojnë për titull

• Nga kampingjet te dhomat e anijeve turistike, akomodimi i tifozëve në “Katar 2022”

• Franca e konfirmon, Nkunku humbet Botërorin “Katar 2022”