Infermieria shumë e kërkuar/ Prifti: Mësuesia rrezikon të mbyllet në Korçë

Artur Prifti, drejtori i kurrikulës së universitetit “Fan Noli” në Korçë ishte të dielën i ftuar në emisionin “Review” në Euronews Albania ku ka treguar se cilat janë degët të cilat janë preferuar më shumë nga studentët dhe cilat po rrezikojnë të mbyllen.

Sipas tij dega që është preferuar më shumë në Universitetin e Korçës, është infermieria.

“Për sa i përket programeve që kanë pasur numër të lartë të regjistruarish mbeten po të njëjtët programe, ato që diskutuat dhe ju në studio ato të infermierisë dhe të sporteve. Për sa i përket programit të studimit mësuesi për arsimin parashkollor, do shtoja edhe një fakt tjetër për ta plotësuar zyshën, është një program punësimi që ofron mundësi studimi pa përfunduar masterin.

Prifti tha gjithashtu se mund të ketë edhe mbyllje programesh në Universitetin e Korçës.

“programet që nuk kanë pasur studentë të regjistruar janë matematikë-fizikë, Gjuhë dhe Kulturë Frënge, Gjuhë-Letërsi shqipe dhe Gjuhë pakicash, Teknika të prodhimit të farave dhe Fidanëve, Mbështetëse zyrë për komunikim Bibliotekë dhe Arki”,-tha Artur Prifti.

LEXONI GJITHASHTU:

• “Kanceri ka shumë kosto”, Pacientja: Mjerë ata që nuk kanë për ilaçe e kimioterapi
• “Në 2030 do studiojnë për influencer”, Nora Malaj: Sistemi i arsimit ka dështuar