Inflacioni në eurozonë nuk tregon ndryshim, 5.3% edhe në gusht

Inflacioni në 20 vendet që përdorin monedhën europiane mbeti i qëndrueshëm në gusht në 5.3%, ende shumë larg objektivit prej 2% të Bankës Qendrore Evropiane.

Banka qendrore e Gjermanisë parashikon që ekonomia e vendit, më e madhja e Evropës, do të jetë pak a shumë në stanjacion në tremujorin aktual duke shtuar një varg performancash të dobëta.

Produkti i brendshëm bruto gjerman ngeci në tremujorin e dytë, pas rënies në të dy tremujorët e mëparshëm, pasi vendi luftoi me çmimet e larta të energjisë, rritjen e kostove të huamarrjes dhe dobësinë në Kinë, e cila ka qenë një partner kryesor tregtar.

Fondi Monetar Ndërkombëtar parashikoi muajin e kaluar se Gjermania do të ishte e vetmja ekonomi e madhe e globit që do të tkurret këtë vit, edhe me një rritje të dobët ekonomike në mbarë botën mes rritjes së normave të interesit dhe kërcënimit të inflacionit në rritje.

LEXONI GJITHASHTU:

• Rama i akordon Yllin e Mirënjohjes Fatos Nanos: Lutem në këto orë të vështira për të
• E rëndë në Itali/ Treni përplas për vdekje 5 punëtorë, mes tyre një 22-vjeçar