Ukraina sulmoi rajonin perëndimor të Kurskut të Rusisë më 6 gusht dhe ka goditur një pjesë të territorit në sulmin më të madh të huaj ndaj Rusisë që nga Lufta e Dytë Botërore. Presidenti Vladimir Putin tha se do të kishte një përgjigje të denjë nga Rusia ndaj sulmit.

Sergey Lavrov, i cili ka shërbyer si ministër i Jashtëm i Putinit për më shumë se 20 vjet, tha se Perëndimi po kërkonte të përshkallëzonte luftën në Ukrainë dhe po “kërkonte telashe” duke marrë në konsideratë kërkesat e Ukrainës për të përdorur armët e furnizuara nga Perëndimi.

Që nga pushtimi i Ukrainës në vitin 2022, Putin ka paralajmëruar vazhdimisht për rrezikun e një lufte shumë më të gjerë që përfshin fuqitë më të mëdha bërthamore në botë, megjithëse ai ka thënë se Rusia nuk dëshiron një konflikt me aleancën e NATO-s të udhëhequr nga SHBA.

“Tani po konfirmojmë edhe një herë se të luash me zjarrin – dhe ata janë si fëmijët e vegjël që luajnë me shkrepse – është një gjë shumë e rrezikshme”, u tha Lavrov gazetarëve në Moskë.

Ministri i Jashtëm rus shtoi se Rusia po “sqaronte” doktrinën e saj bërthamore. Doktrina bërthamore e Rusisë 2020 përcakton momentin se kur presidenti do të konsideroj të arsyeshëm përdorimin e një arme bërthamore.

LEXONI GJITHASHTU:

• Inkursioni i Ukrainës brenda territorit rus, Medvedev bën thirrjen e fortë
• Cili është synimi i operacionit ushtarak të Ukrainës në territorin rus