Integrimi i arbëreshëve në Shqipëri, Peta: Kërkojmë një linjë direkte me Tiranën

Rosario Peta, kryetari i bashkisë së Piana dei Albanesi kërkoi gjatë emisionit “Review” në Euronews Albania një linjë direkte fluturimi Palermo-Tiranë, gjë që do të mundësonte një lidhje më të ngushtë dhe integrimin më të shpejtë të arbëreshëve në Shqipëri.

Sipas tij është shumë e nevojshme lidhja me vendin dhe një linjë direkte fluturimi do ta mundësonte këtë.

“Një shërbesë shumë e rëndësishme për të gjithë ne është të jemi lidhur ne arbëreshët, ne diaspora shqiptare që jemi në botë, me qeverinë e Shqipërisë, e kemi të domosdoshme këtë . Më parë se italianë, siçilianë, ne jemi arbëreshë. Ne duhet të lidhemi me mëmën Shqipëri, është shumë e nevojshme. Duhet ndërtuar një linjë direkte Palermo-Tirana. Në Siçili 5 qytete arbëreshe janë të gjitha në provincën e Palermos. Ka shumë shqiptarë,” – u shpreh Peta.

LEXONI GJITHASHTU:

• “Ruajta e gjuhës shqipe”, Kepi: Mund të asimilohet lehtësisht
• Kitaristi arbëresh tregon shqiponjën që ka tatuazh, De Bartolo: Dua të mësoj shqip