Integriteti territorial i Ukrainës nuk duhet të cënohet, thotë Brnabiç

Kryeministrja e Serbisë, Ana Brnabiç ka mbështetur deklaratën e presidentit serb, Aleksandër Vuçiç i cili tha pak ditë më parë se mbështet integritetin e vendit të tij, po aq sa Perëndimi mbështet Ukrainën.

Pyetur nga gazetari i “Euronews Albania”, Bejnamin Arifi në Forumin e Prespës për Dialog, Brnabiç u shpreh se integriteti territorial i një shteti nuk duhet të cënohet.

“Absolutisht jo. Mos ma shtrembëroni deklaratën. Është plotësisht e qartë se çfarë do të thotë e drejta ndërkombëtare dhe rendi juridik ndërkombëtar. Ekziston mos cenimi i integritetit territorial të një shteti dhe në asnjë mënyrë nuk ka mundësi që ai integritet territorial të cenohet në këtë apo atë rast. Është i pacenueshëm”, tha kryeministrja serbe.

LEXONI GJITHASHTU

• Vuçiç krahason Serbinë me Ukrainën: Jam për integritetin territorial
• Vuçiç marrëveshje me Putin për gazin, asnjë koment për luftën