Irani shqyrton projektligjin për të pezulluar bashkëpunimin me IAEA-n

Parlamenti i Iranit po shqyrton një projektligj që do të pezullonte bashkëpunimin e vendit me mbikëqyrësin bërthamor të OKB-së, raportuan mediat shtetërore, duke cituar një anëtar të preesidiumit të legjislaturës, Ruhollah Motefakerzadeh.

Mediat iraniane raportuan gjithashtu se Kryetari i Parlamentit Mohammad Baqer Qalibaf tha se ligjvënësit po kërkojnë të pezullojnë bashkëpunimin me IAEA-n “derisa të kemi garanci objektive për sjelljen profesionale të kësaj organizate ndërkombëtare”.

Qalibaf shtoi se Teherani nuk po kërkon të zhvillojë armë bërthamore.

“Bota e pa qartë se Agjencia e Energjisë Atomike nuk ka përmbushur asnjë nga detyrimet e saj dhe është bërë një mjet politik”, shtoi ai.

Disa ditë më parë, zëdhënësi i Ministrisë së Jashtme të Iranit akuzoi shefin e IAEA-s, Rafael Grossi, dhe organizatën e tij si bashkëfajtor në konfliktin e vazhdueshëm , duke thënë se raportimi i saj “i anshëm” mbi aktivitetet bërthamore të Iranit u përdor si “pretekst” që Izraeli të sulmonte.

LEXONI GJITHASHTU:

• Irani paralajmëron SHBA-në: Trump bixhozxhiu! Ju e nisët luftën, ne do e përfundojmë
• Trump: Ne ia morëm bombën nga duart Iranit