Ish-ambasadori: Trump dëshiron që Evropa të marrë drejtimin e negociatave me Rusinë

Ish-ambasadori i Trump në Bashkimin Evropian, Gordon Sondland ka deklaruar se presidenti amerikan, Donald Trump dëshiron që Evropa të marrë drejtimin lidhur me bisedimet me Rusinë në të ardhmen.

Sipas tij SHBA-të mund të mbështesin por në të vërtetë është Evropa që duhet të jetë përballë Rusisë në zgjidhjen e luftës. Ai theksoi se ky është qëllimi i Trump.

“Ai e kupton që nëse ne zhvillojmë biznesin si zakonisht, në mënyrën që kemi zhvilluar biznes me Rusinë për, le të themi, 30 vitet e fundit, do të jenë Shtetet e Bashkuara ato që do të angazhohen drejtpërdrejt me Rusinë, duke u përpjekur ta zgjidhin këtë, duke i bërë çfarëdo kërcënimesh të nevojshme Putinit për ta bindur atë të tërhiqet”, tha ai në programit Today në BBC Radio 4.

“Dhe nëse ai nuk do t’i pranonte kërkesat tona, ne do të ishim ata që do të ishin në konflikt dhe Evropa do të na vëzhgonte, dhe kjo nuk është ajo që Trump dëshiron të bëjë këtë herë,” shtoi ai.

LEXONI GJITHASHTU:

• I dënuar për trafik droge në Francë, Prokuroria i kërkon konfiskimin e pasurisë
• Sulmet ruse godasin rajonin e Sumy-t, banorët evakuohen për shkak të zjarreve