Ish-ambasadori Vllahiu: Si do detyrohet Vuçiç të nënshkruajë marrëveshje me Kosovën

Ish-ambasadori i Kosovës në Republikën Çeke, Arbër Vllahiu thotë se presidenti i Serbisë, Aleksandër Vuçiç e di mjaft mirë se dialogu me Kosovën, e afron vendin e tij me Bashkimin Evropian.

Në emisionin “Balkan Talks” në Euronews Albania, Vllahiu u shpreh se mbetet për t’i parë kompromisi nga ana e Serbisë, për njohjen e Kosovës, pasi sipas tij, Vuçiç e ka kuptuar se investimet e BE-së, janë më të mëdha se ato të Rusisë.

“Në aspektin ekonomik dhe social, presidenti Vuçiç e ka shumë të drejtë atë që thotë. Presidenti Vuçiç e di shumë mirë se tërheqja e këtyre vendeve nga investimet e tyre në Serbi, do mund ta sillte Serbinë drejt humnerës. Ai e di se dialogun e ka të vetmen shtyllë me të cilën mund ta mbante lidhjen me Bashkimin Evropian dhe rrugën e integrimeve evropiane. Presidenti Vuçiç do që të mbajë dy anë, edhe me BE, por edhe me Rusinë.

Ai e di shumë mirë se invenstimet e BE-së janë shumë më të mëdha se të Rusisë në Serbi, por edhe Ballkan. Vuçiç e di, me dialogun do të fitojë më shumë sesa fiton me Rusinë. Vuçiç e di se dialogu do t’i hapë dyert drejt Evropësa, theksoi ai.