Ambasadorja italiane në Australi vdes pas rënies nga ballkoni

Ambasadorja italiane në Australi ka vdekur pasi ra nga ballkoni i shtëpisë ndërsa ndodhej për pushime në vendlindje.

Francesca Tardioli ndërroi jetë në Foligno të shtunën në mbrëmje.

Në momentin e ngjarjes ajo ndodhej e vetme në banesë, raporton agjencia italiane e lajmeve ANSA.

Një familjare e saj, njoftoi autoritetet por mjekët nuk arritën ta shpëtonin.

Autoritetet po hetojnë mbi shkaqet e incidentit.

Hetimet e deritanishme të policisë dhe prokurorisë flasin për një akt vetëvrasjeje, raporton “Corriere della Sera”.

Tardioli, dyshohet se është hedhur nga ballkoni i katit të tretë në kushte të rënda psikologjike.

Diplomatja ka përjetuar keq izolimin në Australi për shkak të pandemisë dhe kjo situatë e kishte zhytur në depresion.

Ministria e jashtme e Italisë e cilëson Tardiolin si “profesioniste të admiruar” dhe “një diplomate të jashtëzakonshme”.

Con infinita tristezza, la Farnesina piange la scomparsa di Francesca Tardioli, Ambasciatrice d’Italia a Canberra, e si unisce al dolore dei suoi cari. La ricorderemo con affetto per le sue ammirevoli qualità professionali e umane: una grande diplomatica e servitrice dello Stato. pic.twitter.com/6TEAeN4lgV

— Farnesina 🇮🇹 (@ItalyMFA) February 20, 2022

Kreu i bashkisë së Foligno, Stefano Zuccarini e përshkruan diplomaten si shembull për t’u ndjekur.

Francesca Tardioli ishte emëruar ambasadore në Australi që prej shtator 2019.

56-vjeçarja ka shërbyer si pjesë e ambasadës italiane në Shqipëri dhe Arabinë Saudite.