Ish-drejtori i OST paralajmëron ndërprerje të energjisë në prill

Duke nisur nga java e parë e muajit prill vendi mund të përballet me stakime dhe ndërprerje të energjisë elektrike. Këtë tha në emisioni ‘Sot’ ish-drejtori i Operatorit të Sistemit të Transmetimit, Klodian Gradeci.

Ish-zyrtari foli për krizën energjetike në të cilën vendi ndodhet zyrtarisht që nga muaji tetor dhe paralajmëroi thellim të saj në muajt në vazhdim në kohën që HEC i Fierzës po shkon drejt pikës 0 të mosprodhimit të energjisë për shkak të mungesës së reshjeve.

“1 prilli do të jetë një ditë e keqe. Nëse nuk ka reshje, java e parë do ketë staktime dhe ndërprerje të energjisë. Aktualisht kemi marrë 400 mijë megavat energji me çmim 250 euro/megavat dhe faturën do ta paguajnë të ndarë qytetarët shqiptarë. Duhet të importojmë 3 mln euro energji në ditë. Nuk mendoj se qeveria ka një fond rezervë të planifikuar, kostot do paguhen nga qytetarët. 350 mln euro në vit mund të jetë kostoja për furnizimin me energji të vendit”, tha Gradeci.

LEXONI GJITHASHTU:

• Vendet e BE-së të ndara për të ndalur importin e energjisë ruse
• Energjia elektrike në Kosovë do të kushtojë 9% më shtrenjtë