Ish-kryeministri i Kosovës Ramush Haradinaj kujton lirimin nga Haga

Kryetari i Aleancës për Ardhmërinë e Kosovës (AAK), Ramush Haradinaj, ka kujtuar lirimin nga çdo akuzë të ngritur ndaj tij për luftën e UÇK-së nga Gjykata Nërkombëtare e Hagës. Me një shënim na faqen zyrtare në “Faceboook”,Haradinaj thekson se tetë vite më parë u dëshmua për të dytën herë pastërtia e luftës së UÇK-së.

“Tetë vite më parë u dëshmua për të dytën herë pastërtia e luftës së UÇK-së, e imja dhe bashkëluftëtarëve të mi”, shkruan Haradinaj.

“Populli i Kosovës pas gati një shekull dhune sistematike, kapi pushkët në mbrojtje të jetës dhe tokës së tij. Pastërtia e luftës së UÇK-së, mori përkrahjen e mbarë botës demokratike në krye me NATO-n”, shtoi ai.

Ish-kryeministri i Kosovës ka reaguar edhe për ish-krerët e Ushtrisë Çlirmitare të Kosovës, të cilët ndodhen në Hagë dhe po përballen me akuza për krime lufte. Ai thotë se ata shkuan në Hagë si luftëtarë dhe si të tillë do të kthehen në vendin e tyre.

 “Andaj, besoj në pafajësinë edhe të bashkëluftëtarëve që sot përballen me sfidën e radhës në Hagë. Ata shkuan si çlirimtarë atje, ashtu do të kthehen. Historia shkruhet vetëm një here”, shton ai.