Ish-presidenti Donald Trump voton në Florida: Jam i sigurt për fitoren

Duke folur për shtypin pasi hodhi votën e tij, ish-presidenti Donald Trump tha se ishte “shumë i sigurt” se do t’i fitojë zgjedhjet dhe se “ata nuk do të jenë as afër”, ndërsa shprehu zhgënjimin që mund të duhet pak kohë që rezultatet të dalin.

“Ndihem shumë i sigurt! Kam dëgjuar se po ia dalim shumë mirë kudo”,-tha Trump.

Ai shtoi se kjo ishte “më e mira” nga tre fushatat që ai drejtoi.

“Rezultatet nuk do të jenë as afër. Por do të duhet shumë kohë për t’u certifikuar”, u shpreh ai.

Kandidati Trump vazhdoi të ankohej se sa kohë do të duhej për të numëruar rezultatet duke pasur parasysh se “ata i shpenzuan të gjitha këto para në makineri”, duke përmendur zgjedhjet franceze si një shembull të zgjedhjeve të shpejta.

Trump ka kritikuar në mënyrë të përsëritur kohën e gjatë të pritjes në numërimin e votave me postë si një mënyrë për të mbjellë dyshime në integritetin e zgjedhjeve.

Kujtojmë se amerikanët votojnë këtë të martë, 5 nëntor, për të zgjedhur presidentin e ardhshëm. 244 milionë votues pritet të zgjedhin drejtuesin e ri të Shtëpisë së Bardhë.