Ish-shefi i sigurimit zgjidhet lideri i ri i Hong Kongut

John Lee është zgjedhur udhëheqësi i ri i Hong Kongut, pas një procesi votimi të mbyllur në të cilin ai ishte kandidati i vetëm.

Ai po zëvendëson shefen ekzekutive Carrie Lam, e cila u largua nga pushteti, pasi kishte shërbyer që prej vitit 2017.

Emërimi i tij po shihet si një lëvizje nga qeveria kineze për të forcuar kontrollin e qytetit, pasi ai njihet si një mbështetës i Pekinit.

Liderwt e Hong Kongut zgjidhet nw njw komitet prej 1500 anwtarwsh, tw cilat janw pothuajse tw gjithw mbwshtetws besnikw tw Pekinit.

Lee në vitin 2020, mbështeti vendosjen e një ligji pwr sigurinë kombëtare, i cili kriminalizonte shumicën e formave të protestave politike duke pohuar se ligji do të ndihmonte në rivendosjen e “stabilitetit nga kaosi”.

Roli i tij në zbatimin e ligjit çoi në sanksione të SHBA kundër tij dhe një duzinë zyrtarësh të tjerë, dhe një bllokim të YouTube në fushatën e tij zgjedhore të 2022.

Hong Kongu iu kthye Kinës nga Britania e Madhe në vitin 1997 sipas marrëveshjes që të drejtat si liria e tubimit dhe liria e fjalës do të garantoheshin.

Mbështetja e vendosur e Lee për politikat e Pekinit ka ngjallur frikën se lidershipi i tij do të sjellë një epokë të mbikëqyrjes më të ashpër kineze të rajonit gjysmë-autonom.