Ish-strategu i Trump drejt burgut, refuzoi komisionin hetimor të 6 Janarit

Një gjykatë federale në Shtetet e Bashkuara ka konfirmuar dënimin e strategut të ish-presidentit Donald Trump, Steve Bannon. Vendimi mund ta dërgojë 70-vjeçarin në burg, pas vitesh të tëra procesesh.

Banon u dënua në vitin 2022 për përbuzje të Kongresit me refuzimin e dëshmisë në komisionin e posaçëm që po hetonte kryengritjen e 6 janarit.

Avokati i Bannon deklaroi se do të bëjë një apel të ri në emër të klientit të tij, duke shtuar se në lojë janë një seri çështjesh të rëndësishme kushtetuese.

Bannon u dënua me 4 muaj burg dhe u urdhërua të paguajë një gjobë prej 6 mijë e 500 dollarësh.

Por deri më sot këshilltari i ish-presidentit, që ka mohuar çdo shkelje, ka mundur të qëndrojë jashtë burgut teksa ka sfiduar dënimin.

Avokatët e Bannon e kanë cilësuar çështjen si të motivuar politikisht dhe kanë deklaruar se ai ishte përpjekur të negocionte dhe jo të injoronte thirrjen e komisionit të 6 janarit.

Por me një vendim unanim, Gjykata Federale e Apelit të Uashingtonit e hodhi poshtë argumentin. Për pasojë, Bannon i mbeten 7 ditë për të dorëzuar apelin tjetër.