ISHP: 240 raste me tuberkuloz u zbuluan gjatë vitit 2025, në çfarë niveli është tani Shqipëria

Përhapja e tuberkulozit, sëmundjes infektive që prek kryesisht mushkëritë, në Shqipëri është në nivele të ulta dhe nuk ndjek trendet europiane. Në këtë përfundim kanë dalë specialistët e ISHP të cilët bëjnë të ditur se në 10 vitet e fundit rastet e infektuar kanë ndjekur një kurbë në rënie deri në shfaqjen e pandemisë së Covid 19, vit prej të cilit situata po qëndron e njëjtë.

OBSH, thotë se 1 në 5 persona në Europë, nuk diagnostikohen. Ekspertët e shëndetësisë shqiptare thonë se stigma, mbetet një problem edhe në vendin tonë.

Tuberkulozi konsiderohet një sëmundje e shërueshme nëse ai kapet në fazat e hershem dhe i përgjigjet trajtimit me antibiotik.