Ishte duke punuar| Humb jetën 24-vjeçari në Selenicë, dyshohet se u dëmtua nga gurët

Një 24-vjeçar në fshatin Brataj të Selenicës në Vlorë ka humbur jetën teksa ishte duke punuar.

Përmes një njoftimi Policia bën të ditur se dyshohet se ai është dëmtuar aksidentalisht nga gurët gjatë punimeve me skrep.

Ndërkohë grupi hetimor ndodhet në vendngjarje dhe po punon për sqarimin e rrethanave të saj.

Njoftimi i Policisë:

Vlorë/Informacion paraprak

Rreth orës 15:30, në fshatin Brataj, Selenicë, shtetasi J. V., 24 vjeç, punëtor në guroren e këtij fshati, dyshohet se aksidentalisht gjatë punimeve me skrep, është dëmtuar nga gurët dhe si pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes.

LEXONI GJITHASHTU:

• Shpërthen bombola e gazit në Selenicë, humb jetën një 50-vjeçar
• Historia e nënës nga Selenica me 3 fëmijë të mitur që fitoi betejën me kancerin