“Ishte i mirë”- Flet shoku i klasës së atentatorit të Trump: Dua të di pse e bëri

Detaje te reja janë zbuluar nga atentanti i dështuar ndaj ish presidentin Donald Trump.

Dyzet e tre sekonda pas gjuajtjes së parë, një agjent i Shërbimit Sekret tha se sulmuesi ishte rrëzuar. Trump, me veshin dhe fytyrën e tij të gjakosur, u ngrit në këmbë. Ai ngriti grushtin e tij në një pozë sfiduese ndaj mbështetësve të tij për t’u bërë të ditur se ishte mirë përpara se agjentët ta largonin nga skena. Të paktën tre pjesëmarrës në tubim u qëlluan, njëri prej të cilëve u vra.

Zyrtarët e FBI-së theksuan përsëri të dielën se hetimi i tyre për sulmin e së shtunës në tubimin e ish-Presidentit Donald Trump është në fazat e tij fillestare dhe agjentët ende po punojnë për të kuptuar çfarë ka ndodhur.

Sulmuesi, 20-vjeçari Thomas Matthew Crooks, nuk ishte paraprakisht në radarin ose bazat e të dhënave të FBI. Hetuesit po mundohen të kuptojnë motivet e Crooks.

Zëvendësdrejtori i FBI-së, Paul Abbate,u tha gazetarëve se zyrtarët e ligjit po analizojnë historinë e Crooks, aktivitetet e tij ditore dhe prezencën e tij në media sociale.

Abbate tha se ata kishin “disa kuptime të kufizuara në lidhje me komunikimet e fundit që ai ka bërë, detajet e mesazheve tekstuale dhe telefonike.

“Këto informacione deri tani nuk kanë “zbuluar asgjë në lidhje me motivin ose përfshirjen ose njohjen e ndonjë personi tjetër” në sulm, tha Abbate.

Sulmuesi, 20-vjeçari Thomas Mattheë Crooks, nuk kishte kontakte të mëparshme me FBI-në dhe nuk kishte qenë më parë në radarin ose bazat e të dhënave të saj. Hetuesit po përpiqen të kuptojnë motivet e tij. Crooks përdori një pushkë të stilit AR 556 të blerë legalisht nga babai i tij, thanë zyrtarët e FBI-së, dhe një nga gjërat që hetuesit ende po kërkojnë të kuptojnë është se si Crooks fitoi akses në armën e zjarrit të babait të tij. Ai gjithashtu kishte pajisje shpërthyese në makinën e tij, tha një zyrtar.

Një ish-shok klase dhe bashkëpunëtor i tha CNN se ata e kujtojnë Crooks si “djaloshin më të ëmbël”. Kolegu tha se Crooks “nuk ishte radikal” dhe nuk shprehte kurrë ndonjë pikëpamje politike në punë. “Është e vështirë të shohësh gjithçka që po ndodh në internet, sepse ai ishte një person vërtet, vërtet i mirë që bëri një gjë vërtet të keqe. Dhe do të doja ta dija pse,” tha kolegu.

Kryetari i Dhomës së Përfaqësuesve, Mike Johnson të dielën i bëri thirrje vendit “të kthehet në qytetërim” dhe tha se ai nuk ka marrë ende një “përgjigje të kënaqshme” nga Shërbimi Sekret i SHBA-së për “pavlefshmërinë e sigurisë” në mitingun e Trump në Pensilvani.

LEXONI GJITHASHTU:

• Spitzer: Atentati ndaj Trumpit do të ketë pasoja politike
• Analiza| Sulmi ndaj Trump rihap një kapitull të frikshëm në politikën amerikane