Italia më shumë se miqësore, axurrët grumbullojnë ‘yjet’ në përballjen me Shqipërinë

Kombëtarja e Italisë e ka vlerësuar maksimalisht përballjen e luksit me Shqipërinë e cila luhet në ‘Air Albania’.

Axurrët kanë publikuar listën e lojtarëve të grumbulluar, teksa bie në sy një numër i madh yjesh të thirrur. Në portë titullar pritet të jetë Donaruma, ndërkohë më tej në mbrojtje Bastoni, Bonucci, Acerbi, pa përjashtuar këtu dhe Di Marko apo Federiko Gati.

Mesfusha gjithashtu është klas më vete, me emra si Verratti, Barella, Tonali, Kristante apo të rinjtë Faxholi e Fratezi. Lojtari i Interit i huazuar tek Sassuolo, Pinamonti gjithashtu do të marrë minutazh në miqësore. 23-vjeçari po kalon një formë të mirë, ndërkohë që konkurrenca për vendin e titullarit është e madhe. Kieza, Njonto, Zaniolo, Politano apo Raspadori gjithashtu po zhvillojnë një sezon të mirë.

Duke parë se Italia nuk është pjesë e Botërorit, trajneri Roberto Mançini ka grumbulluar lojtarët më të mirë për të parë gjendjen aktuale të skuadrës. Ndeshja Shqipëri-Itali luhet të mërkurën në orën 20:45, ndërsa interesi i sportdashëve ka qenë i lartë.

LEXONI GJITHASHTU:

• Altin Rraklli: Kombëtarja ka nevojë për një trajner shqiptar që jeton në Shqipëri
• Cikli i trajnerit Reja te kombëtarja ka përfunduar, thotë gazetari sportiv