Cikli i trajnerit Reja te kombëtarja ka përfunduar, thotë gazetari sportiv

Gazetari sportiv, Tami Kone thotë se cikli i trajnerit italian, Edi Reja ka përfunduar në kombëtaren shqiptare.

Në një intervistë për Euronews Albania, Kone u shpreh se kundërshtarët e Shqipërisë në grupin E për kualifikueset e “EURO 2024”, Polonia dhe Çekia nuk janë të lehtë për t’u mundur.

“Unë nuk them se janë të lehtë, sepse përballë Polonia, aq më tepër flasim për Levandovskin. Në krahun tjetër, flasim edhe për Çekinë, Çekia është ajo që është. Me sa kemi parë me evenimentin e fundit që bëri kombëtarja jonë, nuk ka më skuadra të vogla. Janë të gjitha skuadrat që të hapin probleme. Për mua, cikli i trajnerit Reja ka përfunduar, kombëtarja nuk mund të shikojë kurrsesi”, theksoi ai.

Kombëtarja shqiptare e futbollit ka njohur kundërshtarët e saj për kualifikueset e Kampionatit Europian “EURO 2024”, në shortin e mbajtur të dielën në Frankurt të Gjermanisë.

Shqipëria do të jetë në grupin E, ku në vazon e parë kuqezinjtë kanë gjetur sërish Poloninë, përfaqësuese të cilët e patëm edhe në kualifikueset e Botërorit të Katarit.

Në vazon e dytë u përzgjodh skuadra e Republikës Çeke. Nga vazo e katërt, nga goglat e hedhura, janë Ishujt Faroe, ndërsa në vazon e pestë është Moldavia.

LEXONI GJITHASHTU

• Rraklli: Kemi shanse reale për kualifikim në “EURO 2024”, Reja duhet të largohet
• Edoardo Reja për shortin e “EURO 2024”: Do të luftojmë për vendin e dytë
• “Euro 2024”, Kosova sfidë ‘derbi’ ndaj Zvicrës