Senati i Italisë ka miratuar një ligj që lejon rajone individuale të ofrojnë akses në grupe “me përvojë të kualifikuar në mbështetjen e amësisë” për gratë që konsiderojnë abortin në klinikat shtetërore.
Arsyetimi i qeverisë së kryeministres Xhorxhia Meloni është se kjo përmbush qëllimin fillestar të ligjit të vitit 1978 për legalizimin e abortit, i njohur si Ligji 194, i cili përfshin dispozita për parandalimin e procedurës dhe mbështetjen e amësisë.
Por disa mjekë vënë në pikëpyetje mençurinë e lejimit të grupeve të pakualifikuara kundër abortit që të afrohen me gratë.
“Atëherë nuk është e qartë se si dëshironi të përfshini në qendrat e këshillimit dhe gjithashtu në spitale, sepse kjo tashmë po ndodh në disa rajone, njerëz për të cilët nuk dini çfarë kualifikimesh kanë”, thotë Silvana Agatone, presidente e shoqatës LAIGA , e cila mbron të drejtën e grave për zgjedhje të lirë.
“Ata sigurisht që nuk kanë studiuar, as nuk kanë kaluar provimet për të folur me femrat për tema me të cilat qendra e këshillimit tashmë ka njerëz shumë të kualifikuar për t’u marrë”, shton ajo.
Edhe disa figura të opozitës pohojnë se ligji është miratuar duke anashkaluar procesin e paraparë parlamentar.
“Ne jemi të detyruar ta durojmë këtë amendament që u miratua nga një pjesë e kësaj mazhorance pa një debat parlamentar, pa asnjë diskutim, pa na lejuar të futemi thellë në këtë temë”, tha Senatorja Beatrice Lorenzin e Partisë Demokratike.
Sipas ligjit italian, një grua lejohet të kryejë një abort sipas kërkesës në 12 javët e para të shtatzënisë, ose më vonë nëse shëndeti ose jeta e saj është në rrezik.
Megjithatë, qasja e lehtë në abort nuk është gjithmonë e garantuar, shkruan Euronews. Ligji lejon personelin mjekësor të thërrasë kundërshtimin e ndërgjegjes dhe të refuzojë të kryejë aborte, që do të thotë se gratë ndonjëherë duhet të shkojnë diku tjetër për procedurën.
Shkalla e lindjeve në Itali, tashmë ndër më të ulëtat në botë, ka rënë në mënyrë të vazhdueshme për rreth 15 vjet dhe ka arritur një rekord të ulët vitin e kaluar me vetëm 379.000 foshnja të lindura.
Megjithatë, kryeministrja Giorgia Meloni e hodhi poshtë kundërshtimin ndaj amendamentit si “lajm të rremë” dhe tha se lejimi i atyre me një mesazh “pro-jetës” për të hyrë në klinikat e abortit synonte vetëm për të informuar plotësisht gratë.
LEXONI GJITHASHTU: