Italia ndërton një urë për në Siçili, projekt si pjesë e planit të mbrojtjes

Pas gjysmë shekulli përpjekjesh dhe diskutimesh të dështuara, Italia ka marrë vendimin për ndërtimin e një ure madhështore mbi Ngushticën e Mesinës, e cila do të lidhë kontinentin italian me ishullin e Siçilisë.

Projekti i vlerësuar në 13 miliardë euro pritet të rigjallërojë jugun e vendit dhe të jetë një shtysë për forcimin e infrastrukturës kombëtare, në kuadër të planeve qeveritare të kryeministres Giorgia Meloni.

“Komiteti përgjegjës për punët publike në shkallë të gjerë ka dhënë miratimin për nisjen e këtij projekti,” njoftoi të mërkurën Ministria e Transportit.

Ideja e ndërtimit të urës mbi Ngushticën e Mesinës ka qenë në axhendën italiane për më shumë se 50 vjet, por vetëm tani po konkretizohet si pjesë e strategjisë qeveritare për të rritur investimet në sigurinë kombëtare dhe për të forcuar lidhjet infrastrukturore të vendit.

Kryeministrja Meloni theksoi se “kostoja e urës do të jetë pjesë e angazhimit për të rritur shpenzimet për mbrojtjen deri në 5% të Prodhimit të Brendshëm Bruto, në përputhje me detyrimet si anëtare e NATO-s”, duke shtuar se aktualisht shpenzimet e mbrojtjes të Italisë janë më pak se 2%.

Ky projekt madhor pritet të ketë ndikim të rëndësishëm ekonomik dhe strategjik për Italinë, duke forcuar edhe pozicionin e saj brenda aleancës veriatlantike.

LEXONI GJITHASHTU:

• Zjarre masive në Francë: Mijëra të pastrehë, të vdekur dhe shtëpi të shkatërruara
• Në 24 orë në Gaza, 138 palestinezë të vrarë dhe mbi 700 të plagosur