Iu gjetën 44 mijë paund dhe 3 mijë euro në makinë, procedohet penalisht shkodrani

Një 40-vjeçar nga Shkodra është kapur me 44 mijë paund dhe 3 mijë euro të cilat i kishte në makinë.

Sipas autoriteteve dyshohet se këto para që u gjetën në automjetit e personit të identifikaur si R.B, janë përfituar nga veprimtari kriminale.

Blutë bëjnë me dije se Policia e Fierit ndaloi mjetin e 40-vjeçarit tip “Benz” në vendin quajtur “Poçem”.

“Në vendin e quajtur “Poçem”, u ndalua nga shërbimet e Policisë Fier, automjeti tip “Benz” me drejtues shtetasin R. B. Gjatë kontrollit në këtë automjet, u gjetën 44 000 paund dhe 3 000 euro, për të cilat ky shtetas nuk kishte dokumentacion që vërteton burimin e ligjshëm të tyre dhe për të cilat dyshohet se janë përfituar nga aktivitete kriminale”- njofton policia.

40 vjeçari, banues në Shkodër, akuzohet për veprën penale “Pastrimi i produkteve të veprës penale ose veprimtarisë kriminale”.

Në cilësinë e provës materiale u sekuestruan shumat e parave, 2 aparate celulare dhe automjeti me të cilin udhëtonte ky shtetas.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.

LEXONI GJITHASHTU: 

• ‘U trajtuan si kriminelë’, reagimet për arrestimet te Trauma
• Fluturimet anti-kanabis në Shqipëri, ambasadori dhe numri 2 i policisë italiane motivojnë Guardia di Finanza