Ivi Kaso: Kuvendi i 30 prillit vendos datën e zgjedhjeve për kryetarin e ri

Në 30 prill do të mblidhet Kuvendi i Partisë Demokratike i organizuar nga Komisioni i Rithemelimit.

Ivi Kaso deklaroi se në këtë Kuvend do të zgjidhet Këshilli i ri Kombëtar i Partisë Demokratike, miratohen ndryshimet në statut dhe përcaktimi i një date për mbajtjen e zgjedhjeve për kryetarin e ri të partisë.

“Do të kërkojë një vendimmarrje specifike të Kuvendit Kombëtar që do të duhet të marrë vendimet përkatëse jo vetëm për përcaktimin e një datë për zgjedhjen e kryetarit të ri të partisë, por edhe parashikimet statutore sipas të cilave kryetari zgjidhet sipas parimit një anëtar një votë”, tha Ivi Kaso, anëtar i Komisionit të Rithemelimit.

Sipas Kasos, të ftuar për të marrë pjesë në Kuvend janë edhe deputetët që nuk janë pjesë e Komisionit të Rithemelimit.

“Informacioni lidhur me mbajtjen e kuvendit u është drejtuar të gjithë demokratëve, veçanërisht deputetëve që kanë ushtruar dhe vazhdojnë të ushtrojnë përgjegjësi politike”, u shpreh Kaso.

Ai hodhi poshtë akuzat në lidhje me procesin e riorganizimit dhe zgjedhjeve në degë.

LEXONI GJITHASHTU:

• Tension gjatë votimit për kreun e PD, dega Bulqizë
• Shpallen fituesit në zgjedhjet e Rithemelimit për 4 degë të PD-së