Izraeli do të hakmerret, krerët e ushtrisë: Gati të përballemi me çdo kërcënim

Izraeli do t’i përgjigjet Iranit për sulmin e fundjavës. Kështu paralajmëroi kreu i ushtrisë izraelite, i cili tha se vendi do të qëndrojë në nivelet më të larta të gatishmërisë.

“Irani do të përballet me pasoja për veprimet e tij. Ne do ta zgjedhim përgjigjen tonë. Ushtria mbetet gati të përballet me çdo kërcënim”, deklaroi gjeneral Herzi Halevi, komandant i ushtrisë izraelite.

Ndërkohë, kryeministri iraken Mohammed Shia al Sudani vizitoi Shtëpinë e Bardhë për të diskutuar mbi marrëdhëniet SHBA-Irak, me takimin që ishte caktuar para sulmit iranian. Një bateri raketash “Patriot” në Ibrik të Irakut rrëzoi të paktën një raketë balistike iraniane.

“Shtetet e Bashkuara janë të angazhuara për sigurinë e Izraelit dhe për një armëpushim që do të sjellë pengjet në shtëpi dhe parandalojë përhapjen e mëtejshme të konfliktit”, tha Biden.

Ndërkohë, kryeministri britanik Rishi Sunak kërkoi fundin e konfliktit dhe që bota të investojë më shumë në zgjidhjen me dy shtete.

“Është jetike që partnerët e tjerë rajonalë të ndihmojnë në parandalimin e sulmeve shumë më të rënda. Kjo na kujton se sa të rëndësishme janë përpjekjet për normalizimin e marrëdhënieve të Izraelit dhe fqinjëve dhe kjo i jep shpresa të çmuara rajonit”, deklaroi Rishi Sunak, kryeministër i Britanisë së Madhe.

Qindra simpatizantë të linjës së ashpër të qeverisë iraniane u mblodhën në qendër të Teheranit për të treguar mbështetjen e tyre për sulmin ndaj Izraelit. Demonstruesit mbanin flamuj të Iranit, Gardës Revolucionare dhe Palestinës, si dhe bërtisnin “vdekje Izraelit”.

LEXONI GJITHASHTU:

• Shefi i ushtrisë izraelite thotë se Izraeli do t’i përgjigjet sulmit të Iranit
• Zelensky thirrje aleatëve: Shfaqni ndaj Ukrainës të njëjtin unitet si për Izraelin