Izraeli konfirmon sulmin ndaj reaktorit bërthamor në Arak të Iranit

Ushtria izraelite ka konfirmuar se ka kryer një sulm ndaj reaktorit bërthamor në qytetin iranian të Arakut, duke theksuar se ky reaktor është “joaktiv”.

Sipas Forcave Mbrojtëse të Izraelit, ky objekt është projektuar për të prodhuar plutonium me rendiment të lartë, një material kyç për ndërtimin e armëve bërthamore.

Në një deklaratë zyrtare, ushtria izraelite njoftoi se sulmi ka goditur komponentët e destinuar për prodhimin e plutoniumit, me qëllim parandalimin e restaurimit të reaktorit dhe përdorimit të tij në zhvillimin e armëve bërthamore.

Gjithashtu, Forcat Mbrojtëse të Izraelit bëjnë me dije se sulmet e fundit kanë përfshirë 40 avionë luftarakë, të cilët kanë synuar dhjetëra objekte ushtarake, përfshirë fabrika për prodhimin e lëndëve të para, pjesëve të përdorura për raketa balistike dhe vende për ndërtimin e sistemeve iraniane të mbrojtjes ajrore dhe raketave.

LEXONI GJITHASHTU:

• Putin ofron ndërmjetësim mes Izraelit dhe Iranit për t’i dhënë fund konfliktit
• Izraeli nën sulme të reja balistike iraniane, raketa godet spitalin në Beer Sheva