Izraeli kryen sulme të shumta në Bejrut kundër Hezbollahut

Izraeli kreu një valë sulmesh në shkallë të gjerë gjatë natës në Bejrut, duke synuar vendet e Hezbollahut.

Forcat Mbrojtëse të Izraelit, IDF thanë se shënjestruan qendrat e komandës dhe ndërtesat shumëkatëshe në kryeqytetin libanez, si dhe një strukturë ku ruheshin dronë të Hezbollahut që synonin të sulmonin Izraelin.

“Qendrat e komandës ishin menduar të përdoreshin nga Hezbollahu për të avancuar dhe për të kryer sulme të shumta terroriste kundër trupave të IDF dhe Shtetit të Izraelit”, shtoi IDF.

Ushtria Izraelite tha se deri më tani ka lëshuar 26 valë sulmesh në zonën Dahiyeh të Libanit, një periferi kryesisht myslimane shiite në jug të Bejrutit. Izraeli e konsideron periferinë një bastion të Hezbollahut.

Një paralajmërim ushtarak izraelit për të evakuuar pothuajse të gjithë Bejrutin jugor shkaktoi skena kaosi dhe paniku të enjten në mbrëmje, ndërsa banorët bllokuan rrugët duke u përpjekur të largoheshin nga zona.