Izraeli mban ceremoni përkujtimore për sulmin e udhëhequr nga Hamasi më 7 tetor

Izraeli shënoi dy vjetorin që kur militantët e udhëhequr nga Hamasi organizuan sulme në Izraelin jugor më 7 tetor 2023 me një ceremoni zyrtare që përkoi me përvjetorin sipas kalendarit hebraik.

Ligjvënësit më të lartë në vend, përfshirë Presidentin Isaac Herzog, Kryeministrin Benjamin Netanyahu dhe Kryetarin e Parlamentit Amir Ohana, morën pjesë në përkujtime dhe mbajtën fjalime në këtë ngjarje.

Në fjalimin e tij, Netanyahu u zotua të sjellë më shumë familje izraelite për të jetuar në komunitetet jugore të cilat u sulmuan nga Hamasi.

Gjatë dy viteve të fundit, njerëz të ndryshëm që banonin në këto komunitete ikën diku tjetër, nga frika se sulme të ngjashme të Hamasit mund të përsëriten në të ardhmen

“Ne kemi një mision të rëndësishëm kombëtar për të rehabilituar komunitetet përreth Gazës si një rajon të lulëzuar të ringjalljes”, tha Netanyahu.

“Po investojmë shuma të mëdha në këtë dhe tashmë po shohim rezultatet. Mbi 90% e banorëve janë kthyer në shumicën e komuniteteve të prekura. Por nuk jemi të kënaqur me këtë”, tha ai. “Do të sjellim familje të reja atje. Do të thyejmë rekorde rritjeje.”

LEXONI GJITHASHTU:

• Forcat speciale nga Kosova, Shqipëria, SHBA e Kroacia stërvitje të përbashkët
• Studim/Vetmia dhe izolimi social rrit rrezikun për fatalitet tek pacientët me kancer