Izraeli ndalon 21 anije me ndihma për Gazën, shpërthejnë protestat

Forcat izraelite kanë ndaluar të paktën 21 nga 43 anijet që transportonin ndihma humanitare në Gaza, thanë organizatorët e flotiljes të enjten, ndërsa anijet e mbetura janë ende në rrugën e tyre drejt enklavës.

Autoritetet izraelite thanë se aktivistët në bordin e anijeve të ndaluara, përfshirë aktivisten klimatike Thunberg, ishin të sigurt dhe u transferuan në Izrael. Ministri i Jashtëm i Italisë, Antonio Tajani, i tha transmetuesit publik italian Rai se aktivistët do të deportoheshin në ditët në vijim dhe se forcave izraelite iu tha “të mos përdorin dhunë”.

Ministria e Jashtme e Turqisë dënoi ndalimin e anijeve nga Izraeli, duke e quajtur atë si një “akt terrorizmi” dhe shkelje të rëndë të ligjit ndërkombëtar.

Flotilja përbëhej nga gati 500 aktivistë, përfshirë Greta Thunberg, nipin e Nelson Mandelës, Mandla Mandela, ish-kryetaren e bashkisë së Barcelonës, Ada Colau, dhe disa ligjvënës evropianë.

Ndërkohë, ndërhyrja e Izraelit ndaj flotiljes shkaktoi kritika të gjera, me protesta që shpërthyen në Italin, Greqi, Spanjë, Belgjikë, Turqi, Argjentinë dhe Kolumbi.

LEXONI GJITHASHTU:

• Trump u shpall luftë karteleve të drogës, bastisja në Ekuador bashkëpunim me SHBA-n
• Kolumbia dëbon delegacionin izraelit, anulon marrëveshjen e tregtisë së lirë