Izraeli njofton OKB-në për shkëputjen e lidhjeve me UNRWA

Izraeli ka njoftuar zyrtarisht Kombet e Bashkuara për vendimin e tij për t’u shkëputur nga UNRWA, agjencia që mbështet refugjatët palestinezë.

Ky veprim erdhi pas një votimi në Parlamentin izraelit që e ndalon funksionimin e kësaj organizate në Izrael dhe në Jerusalemin Lindor.

Ministria e Punëve të Jashtme të Izraelit deklaroi se njoftimi është bërë me udhëzimin e ministrit të Jashtëm, Izrael Katz.

Ai argumentoi se UNRWA është pjesë e problemit në Rripin e Gazës, duke përmendur pjesëmarrjen e punonjësve të saj në masakrën e 7 tetorit dhe lidhjet e tyre me Hamasin, grupin palestinez të shpallur si organizatë terroriste nga Shtetet e Bashkuara dhe Bashkimi Evropian.

Lufta në Gazë filloi pas sulmit të Hamasit më 7 tetor, që rezultoi në vdekjen e afërsisht 1.200 izraelitëve dhe rrëmbimin e rreth 250 të tjerëve.

Përgjigjja izraelite ka shkaktuar më shumë se 43.000 vdekje palestinezësh në Gazë.

Sidoqoftë, ekspertët paralajmërojnë se ndalimi i operacioneve të UNRWA do të ketë pasoja të rënda për ndihmën humanitare në Gazë, pasi agjencia ka ofruar mbështetje për më shumë se shtatë dekada.

Katz e refuzoi këtë shqetësim, duke theksuar se vetëm 13 për qind e ndihmës humanitare në Gazë vjen nga UNRWA, ndërsa pjesa tjetër sigurohet nga organizata të tjera.

Ai gjithashtu siguroi se Izraeli është i angazhuar për ligjin ndërkombëtar dhe do të vazhdojë të lehtësojë hyrjen e ndihmës humanitare në Gazë në mënyrë që të mos rrezikojë sigurinë e qytetarëve të tij.

LEXONI GJITHASHTU:

• Roli i organizatës UNRWA dhe arsyeja pse mendohet që Izraeli ta ketë ndaluar
• Precedent i rrezikshëm, bota dënon ndalimin e UNRWA nga Izraeli