Izraeli urdhëron trupat e IDF të përparojnë më thellë në Gaza

Gati 600 palestinezë janë vrarë që nga prishja e armëpushimit mes Izraelit dhe Hamasit të martën.

Ministri i Mbrojtjes i Izraelit ka thënë se ka urdhëruar ushtrinë të avancojë më thellë në Gaza, duke u zotuar të mbajë më shumë toka derisa Hamasi të lirojë pengjet e mbetura që mban. Israel Katz tha se operacionet në Rrip do të vazhdojnë “me intensitet në rritje derisa pengjet të lirohen nga Hamasi”.

“Sa më shumë Hamasi të vazhdojë refuzimin e tij për të liruar të rrëmbyerit, aq më shumë territor do të humbasë ndaj Izraelit,” tha Katz.

Hamasi ende mban peng 59, por të paktën 35 besohet të jenë të vdekur.

Hamasi ka thënë se do të lirojë vetëm pengjet e mbetura në këmbim të një armëpushimi të qëndrueshëm dhe një tërheqje të plotë ushtarake izraelite nga Gaza, siç parashikohet në marrëveshjen e armëpushimit të arritur pas më shumë se një viti ndërmjetësim nga Shtetet e Bashkuara, Egjipti dhe Katari.

Pas rimarrjes së një pjese të korridorit strategjik Netzarim që ndan Gazën në dysh, trupat izraelite u zhvendosën drejt qytetit verior të Beit Lahiya dhe qytetit kufitar jugor të Rafahut të enjten.

Ushtria tha se kishte rifilluar gjithashtu zbatimin e një bllokade në veri të Gazës, duke përfshirë qytetin e Gazës.

LEXONI GJITHASHTU:

• Ushtria siriane: Përfundon operacioni kundër mbetjeve të regjimit të Asadit
• Ushtria izraelite kryen aktivitet tokësor në Gaza, raportohen dhjetëra viktima