Ja kur do të prezantohen tre transferimet e reja të Realit

Siç bëhet e ditur nga gazetari i njohur, Fabrizio Romano, Real Madridi do të prezantojë tri transferimet e reja të klubit në javën e ardhshme.

Bëhet fjalë për Frang Garcian, Jude Bellingham dhe Brahim Diaz, ku që të tre do të prezantohen në “Santiago Bernabeu” në javën e ardhshme, raporton KosovaPress.

Jude Bellingham ka kompletuar testet mjekësore sot dhe ka nënshkruar një kontratë afatgjate që do ta mbajë në klub deri në qershor të vitit 2029.

Brahim Diaz do të rikthehet nga huazimi nga Milani, pasi që ka gjetur akordin për kushtet personale për një marrëveshje të re me Realin deri në qershor të vitit 2027.

Fran Garcia rikthehet te Real Madridi pasi që ky i fundit aktivizoi klauzolën prej 5 milionë eurosh për ta blerë atë nga Rayo Vallecano.