“Jam këtu prej djalit”- GJKKO lë në burg Breçanin dhe 3 të arrestuarit e tjerë

GJKKO ka lënë në fuqi masat “Arrest me burg” për Erzen Breçani, Bujar Ajetin i njohur dhe me mbiemrin Germizi, Dedan Gjonin dhe Besmir Murtati të arrestuar nga operacioni i SPAK dy ditë më parë.

Në fjalën e tij në ambientet e gjyqit, ish-drejtuesi i lartë i policisë Erzen Breçani tha se është në burg prej djalit, të cilin e ka këshilluar të mos merret me veprimtari të paligjshme.

“Nëse jam në burg jam prej djalit. E kam këshilluar të mos merret me gjëra të paligjshme. Nuk e di ça ka bërë, nuk kam prova me ça merret im bir. Vetë i kam shërbyer këtij shteti ku kam vënë dhe jetën në rrezik”-tha ai.

Nga operacioni i SPAK u arrestua Erzen Breçani dhe u shpall në kërkim djali i tij Eralbi Breçani, të cilët akuzohen për “Përkrahje të autorit të krimit” dhe “Pastrim parash”.

Po ashtu, u arrestua edhe Shefi i Krimeve në Komisariatin numër 6, Dedan Gjoni. Ndaj shefit të krimeve janë ngritur disa akuza për disa vepra penale, një prej të cilave dyshohet se është ajo e sigurimit te kushteve për të kryer vrasje.

Ndër punonjësit e policisë që është shoqëruar është edhe Jonida Babameto, oficere e Drejtorisë së Kufirit dhe Emigracionit.

Në kërkim në kuadër të këtij operacioni është edhe biznesmeni Ervin Mata, një emër i njohur për drejtësinë, pas përplasjes që ka patur me, Ervis Martinaj.

Urdhër-arrestet u lëshuan pas ardhjes nga autoritetet franceze të dekriptimeve të aplikacionit Sky, ku u godit një grup që merrej me trafikun e kokainës nga cendet e Amerikës Latine.

Të arrestuar

• Erzen Breçani, ish-nëndrejtori i Policisë së Tiranës
• Dedan Gjoni, Shef seksioni per hetimin e Krimeve në Komisariatin numër 6
• Jonida Babameto, oficere e Drejtorisë së Kufirit dhe Emigracionit
• Bujar Germizi emër i njohur i botës së krimit në Kukës

Në kërkim (Nuk ndodhen në Shqipëri)

• Besmir Mustafi
• Eralbi Breçani, djali i Erzen Breçanit
• Ervin Mata
• Besmir Murati
• Artan Sulejmani
• Albert Prenga
• Bajram Gerbova

LEXONI GJITHASHTU:

• Breçani në dijeni të trafikut, si e këshillonte të birin të fshihte gjurmët te arma
• “Dua çdo gjë transparente”- Mata përplaset me Berçanin pas kapjes së 240 kg kokainë